Өскемен қаласы әкімдігінің
"Қ. Нұрғалиев атындағы №43 мектеп-лицейі"кмм

Әкімшілік

Басшылық – бұл да өнер. Ұжымдағы басқару ойдағыдай болса, көптеген жетістіктерге қол жеткізуге болады. Ұжым дұрыс басқарылса, мектептің бедел-абыройы артады. Мұндай ұжымға сенім де көп артылады.

Мектепті басқаруды, ең алдымен мектеп басшыларына, атап айтқанда мектеп директорына, оның оқу-тәрбие жұмыстарына қатысты оқу ісінің меңгерушілеріне, тәрбие ісінің меңгерушілеріне зор жауапкершілік жүктеледі.

Білімді, білікті басшы мектепті жоғары деңгейге көтере алады. Мектептің өсіп өркендеуі әкімшіліктің ұйымдастырушылық қабілетіне, іскерлігіне, жанының тазалығына байланысты.

Шаянбаева Жанагуль Аскаровна

Қ. Нұрғалиев атындағы № 43 мектеп – лицейінің директоры. Еңбек өтілі 29 жыл. Көп жылдардан бері басқару саласында еңбек етумен қатар, физика пәні мұғалімі қызметін де абыроймен атқаруда. Мектеп мұғалімдерінің шығармашылық және кәсіби біліктіліктерін арттыру үшін барлық жағдай жасалған. Мектеп – лицейінің материалдық-техникалық базасын нығайтуда заман талабына сай жабдықталған химия, биология, физика, мультимедия кабинеттері оқушыларға сапалы білім мен саналы тәрбие беруде үлкен рөл атқаруда. Мектеп-лицейі ұстаздары «Жыл мұғалімі», «Жыл сынып жетекшісі» сайыстарында бас жүлде және ІІІ орындарды иеленсе, оқушылары халықаралық, республикалық, облыстық, қалалық білім байқауларында, ғылыми - практикалық конференцияларда, спорт, өнер сайыстарында жүлделі орындарды иеленіп жүр.